rKTs

e-texts navigator

Page

288b₁ yul du gyur tshad tsam 'od zer lnga'i dkyil 'khor du snang ba'o// de yang snang ba de dag ni phyi nas bltas na nang gsal ba/ nang nas bltas na phyi gsal ba/ phyi nang med pa kun tu zad thal ba/ lte ma bzhin pa/
288b₂ mer bzhin pa/ mnan na nem snyam pa/ bteg na 'phar ba snyam pa/ shin tu yid 'phrog pa/ kha dog gsal ba la/ so sor ma 'dres par rang gsal ba/ cha mnyam pa la gsal ba'i cha ma 'gags pa/ yang dag
288b₃ par bltas na shin tu phra ba dang / 'gyu ba dang / 'gul ba lta bu dang // 'phrigs pa lta bu dang / rab tu 'tsher ba las lhun brjid pa'o// shin tu rgya che la dpag pa'am dmigs su ma tshud pa/ 'phang mtho la rtse mo
288b₄ yangs pa zhes bya ste/ dkyil 'khor thams cad kyi 'byung gnas su bzhugs pa'o// de yang kha dog ni lnga ste/ dkar po rang sa na gsal ba la zer 'phro ba dang / de bzhin dus ser po rang sa na gsal ba la zer
288b₅ 'phro ba dang / dmar po rang sa na gsal ba la zer 'phro ba dang / ljang gi nyid rang sa na gsal ba la zer 'phro ba dang / de bzhin du mthing ga nyid rang sa na gsal ba la zer 'phro ba ste/ de dag rig la ma 'byar
288b₆ par so sor kha dog rang gsal ba dang / shin tu lhun sdug par gnas so// de yang skyes bu'i 'od gsal de zung 'jug la thim pa zhes bya ste/ yang snang ba de dag sku'i rnam par rang shar te/ sku de dag kyang mi che

_{iiif viewer powered by OpenSeadragon}

288a - 289a

Texts on this page