rKTs

e-texts navigator

Page

277b₁ ba ni/ dang po 'od kyi snam bur snang ba dang / gnyis pa 'od kyi zer sna tshogs su thag tu gnas pa dang / gsum pa thig le lu gu rgyud du 'brel ba mu khyud du 'char ro// 'bras bu rang smin pa'i thig le ni gsum ste/
277b₂ 'od rnams smin pa'i thig le dang / ye shes smin pa'i thig le dang / rig pa smin pa'i thig le'o// yang gsol pa/ 'od rnams 'dus shing smin pa'i thig le gang lags/ ye shes smin pa'i thig le gang lags//
277b₃ rig pa smin pa'i thig le gang lags/ bdag la gsung dang / yang bka' stsal pa/ kye thub pa chen po khyod nyon cig/ 'od rnams smin pa'i thig le bsgrengs par gnas// shin tu gsal la gong nas gong du ma 'dres
277b₄ 'ja' tshon bzhin// 'di la goms na snang ba yang mthong ngo // ye shes smin pa'i thig le rtsibs la gnas/ kha dog rang gsal nyi ma'i dkyil 'khor 'dra// 'di la goms pas 'di la rang snang mthong // rig pa
277b₅ smin pa'i thig le mu khyud zlum por bcas// rang gsal zlum po 'di la gang goms pa// dag pa chen po'i snang ba mthong bar 'gyur// de dag rnams kyi thig le'i phyi dbyibs zlum// 'di la goms na rnal 'byor
277b₆ 'bras bu thob// rig pa ni gnyis te/ gzhi 'dzin pa'i rig pa dang / mtshan nyid 'dzin pa'i rig pa'o// yang gsol pa/ gzhi 'dzin pa'i rig pa ni gang lags/ mtshan nyid 'dzin pa'i rig pa ni gang lags//

_{iiif viewer powered by OpenSeadragon}

277a - 278a

Texts on this page