rKTs

e-texts navigator

Page

224b₁ khyed kyi thugs dam dus la bab// sku ni mthing nag 'jigs pa la// ral pa gsigs pas 'jig rten khyab// baspu'i bu ga thams cad las// sdom dang sdig pa'i sprul pa 'gyed// phrag pa g.yas nas dbu phyung ba// dbu
224b₂ ni lha chen 'joms pa'i dbu// dbu skra ral pa dmigs pa las// seng ldeng phur pa ser chen 'bebs// khyod kyi thugs dam dus la bab// phrags pa g.yon tu dbu phyung la// dbu na srin po 'jom pa'i dbu// dbu
224b₃ ska ral pa bsigs pa las// gtsan dan phur bu srer chen 'bebs// khyod kyi thugs dam dus la bab// thugs kyi dkyil nas dbu byung ba// dbu ni klu chen 'joms pa'i dbu// dbu skra ral pa gsogs pa la// chu srin bye ba'i
224b₄ sprul pa 'gyed// khyod kyi thugs dam dus la bab// lte ba'i dkyil nas dbu phyung ba// dbu ni gnod sbyin 'joms pa'i dbu// dbu skra ral pa gsogs pa la// lcags kyi phur bu ser chen 'bebs// khyod kyi
224b₅ thugs dam dus la bab// dri za ga shin brje me lha dang // bden bral chu lha rlung gi lha// gnod sbyin dbang ldan sa bdag bcings// lha yi tshogs dang / klu yi tshogs/ srin po la sogs gnod sbyin ma// klu yi bu/
224b₆ mo tshogs dang bcas// gnod sbyin bu pho 'byung ba'i tshogs// sha dang khrag la dga' ba dang // thams cad kun nas 'dir skyon cig/ mdos kyi bdag po mdos bzhes cig/ klud kyi bdag mo klung 'di longs// mahA kA li
224b₇ rgyud las/ mdos gtang ba'i le'u ste bdun pa'o// / de nas sbyin bsreg bshad par bya// gang dmigs ling ga bcas pa de// lcags kyus snying drang rlung gis brdeg/ rnam par shes pa de la bstis/

_{iiif viewer powered by OpenSeadragon}

224a - 225a

Texts on this page