rKTs

e-texts navigator

Page

222b₁ rgyud las// spyan drangs pa'i le'u ste lnga pa'o// / de nas yang gtor ma gshad par bya'o// 'bras chen sha dang chang dang ni// me tog bdud pa byung ba dang // bdud rtsi lnga dang sha lnga dang // khur ba shing tog
222b₂ sna tshogs kyis// gtor ma sbyin par bshad pa bya// ma hA kA la'i rgyud las/ gtor ma'i le'u ste drug pa'o// / de nas mdos kyi cho ga bshad par bya// hUM 'bru sna bdun las byas pas ngar gyi mi bo che// rba ba zer
222b₃ sgra la lung thang mig/ 'gron bu'i so la zho sha'i snying // ces pa nor phog mgul du btabs// phangs pa'i gos phung lus la bskon// dar tshon sna lnga'i rgyal mtshan btsugs// mchod rdzas mang po gral du bshams//
222b₄ mdos kyi bdag po mangs pa zhes cig/ hUM bskal me ltar 'bar ba'i klong dkyil nas// shin tu mi bzang ma hA kA la'i sku// shin tu 'jig pa'i sku mdog mthing nag la// 'jig pa'i na bza' bar smug sku la
222b₅ gsol// thugs rje rtags kyis thod pas sku la brgyan// g.yas kyi phyag na gcod pa'i gri gug bsnams// g.yon pa thod pa khrag gis bskang po 'dzin// dbu skra ral pa'i thur tshugs gcig tu 'khyil/
222b₆ gdug pa sbrul gyi chun pos dbu skra bcings// sku mdog mthing nag 'jig par bstan pa ni// don dam dbyings las 'gyur ba med pa'i rtags// sku la dar nag 'jol bar gsol ba ni// thugs rdo sprul pas
222b₇ 'gro don byid pa'i rtags// thod pa'i phreng ba sku la brgyan pa ni// thugs rje'i sprul pa sna tshogs 'byung ba'i rtogs// dbu skra ral pa gcig tu 'khyil ba ni// thams cad chos kyi dbyings su gcig pa'i rtags//

_{iiif viewer powered by OpenSeadragon}

222a - 223a

Texts on this page