rKTs

e-texts navigator

Volume

Page

39b₁ rdo rje go cha'i sngags stong phrag brgyad mngon par bsngag go// de nas sgrub pa'i dus su ba lang gi gcin dang btags te lus la yongs su bslus nas sgrub pa la 'jug go// lha dang / klu dang / gnod sbyin dang //
39b₂ rig pa 'dzin pa dang / log 'dren thams cad kyis rgyang nas 'od dang ldan pa'i ma'i phung po ltar 'bar bar mthong ngo // mthong nas phyag 'tshal bar 'gyur ro// 'jig rten dang 'jig rten las 'das
39b₃ pa thams cad kyi rigs rnams mtshungs par 'grub par 'gyur ro// gang gi tshe rig pa 'dzin pas rdzas grub par gyur na de nas sngon bzhin bcom ldan 'das spyan ma'i sngags kyis me tog dkar
39b₄ po la brgyad brgya bzlas la rdzas kyi dbus su bcug pas rdzas brtan par 'gyur ro// gzhan du na dngos grub 'phrog par 'gyur ro// gal te rig pa 'dzin pas gsang sngags grub par ma gyur na rig pa 'dzi
39b₅ papades 'di ltar bya ste/ rgya mtsho chen por 'bab pa'i chu bo'i 'gram du rten cing 'brel par 'byung ba'i snying po can gyi mchod rten khru gang ba brgyad brgya byas la/ mchod rten re re la ji ltar nus pa'i dri
39b₆ dang me tog dang / bdug spos phul te dus gsum du byang chub kyi sems bskyed la sdig pa bshags te re re'i mdun du stong phrag brgyad dam brgyad brgya bzla'o// gal te mtshan ma ma byung na
39b₇ cho ga 'dis mchod rten stong phrag gcig byas te/ de'i nungab phyogs ma yin pa'i mchod rten 'bar na las kyi sgrib pa zad par shes par bya'o// de nas gang ci sgrub pa de thams cad 'grub par 'gyur ro//

_{iiif viewer powered by OpenSeadragon}

39a - 40a

Texts on this page