| e-texts navigator |
| བོད་ཡིག |
153a1 brag/ steng phyogs rdo rje rtse lnga'i gur// gsang sngags brjod pas bsgom par bya// hUM las 'od zer rab spros pas// 'khor lo bkod pa'i phyi rol tu// rdo rje rtse gsum ra ba dang //
153a2 gur ni rab tu bsgom par bya// de rjes rdo rje khro mo ni// zhu nas rang bzhin med par gyur// de las nyi ma'i steng gnas pa'i// bdud bzhi mnan cing nyi zla ni// A li kA li las byung ba'o// bar du hUM las rdo rje
153a3 ni/ khro mo'i rang bzhin 'od kyis bskor// khro mo dang bcas 'od zer rnams// rdo rje la bzhugs sku bzhengs te// zhal drug phyag drug zhabs drug gam// yang na zhabs bzhis bdud bzhi mnan// zhal kun
153a4 sngo zhing khro gnyer can// dmar ser gyen skra thod 'phreng can// rdo rjes lus brgyan nam mkha'i mdog/ bcu gnyis phyag ste g.yas pa na// rdo rje zhags pa mda' gsor zhing // sbrul dang dgra sta gri gug
153a5 'dzin// g.yon pa dril bu sdigs mdzub gzhu// dbyig pa rtse gsum tho ba'o// yang na phyag drug g.yas dang pos// rdo rje gnyis pas lcags sgrog ste// gsum pas mda' ni gsor bar byed// g.yon
153a6 gyi dang pos sdigs mdzub ste// gnyis pa sbrul zhags 'dzin pa'o// gsum pas gzhu ste 'gengs pa'i tshul// rdo rje lu gu rgyud ma yi// bsam gtan ting 'dzin la gnas na// yon tan kun gyi bdag
153a7 nyid kyi// sngags kyi rtsa bar 'gyur ba'o// sngags kyi bdag nyid yongs su bskyed// lha yi rang bzhin bsgrub pa yi// rin chen gzungs kyi 'phreng bas ni// chos rnams mtha' dag thob 'gyur te// ral
iiif viewer powered by OpenSeadragon
Texts on this page
Ty073-014 - 'phags ma rdo rje lu gu rgyud ma'i rgyud kyi rtog pa