| e-texts navigator |
| བོད་ཡིག |
97b1 phyogs bcu kun gyi 'jig rten gyi khams dag na dbang che bar grags pa/ dbang che bar grags pa'i lha dag lhags nas/ bcom ldan 'das dang dge slong gi dge 'dun la bsnyen bkur byed do// de nas tshangs
97b2 ris kyi lha tshangs pa'i 'jig rten na gnas pa bzhi zhig 'di snyam du sems te/ sangs rgyas bcom ldan 'das de ni shakya rnams kyi ser skya'i gnas kyi nags tshal na// dge slong lnga brgya thams cad kyang dgra
97b3 bcom pa/ zag bzad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol
97b4 ba sha stag dang thabs cig tu bzhugs so// de nas bcom ldan 'das dge slong gi dge 'dun la mya ngan las 'das pa dang ldan pa'i chos kyi gtam ston par mdzad de/ de'i tshe na phyogs bcu kun gyi 'jig
97b5 rten gyi khams dag na dbang che bar grags pa dang / dbang che bar grags pa'i lha dag lhags nas/ bcom ldan 'das dang dge slong gi dge 'dun la bsnyen bkur byed kyi/ bdag cag kyang song la/ bcom
97b6 ldan 'das la re re nas tshigs su bcad pas mngon par bstod par bya gror ma chag snyam mo// de nas tshangs ris kyi lha bzhi po dag 'di lta ste/ dper na skyes bu stobs dang ldan pas lag pa bskum pa las brkyang
97b7 ba 'am/ brkyang ba la bskum pa tsam gyis tshangs pa'i 'jig rten nas mi snang bar gyur cing / bcom ldan 'das kyi spyan sngar lhags te phyogs gcig tu 'khod nas/ tshangs ris kyi lha gcig gis tshigs su
iiif viewer powered by OpenSeadragon
Texts on this page
Ty069-024 - mdo chen po 'dus pa chen po'i mdo zhes bya ba