| e-texts navigator |
| བོད་ཡིག |
99a1 mi'i rus pa'i phur bus gnas lngar gdab par bya'o// tshigs thams cad la tsher ma rnon pos dgang bar bya'o// de thod pa gnyis kyi dbus su bcug ste/ de grog mkhar dang gnas bdun gyisas
99a2 gshin rje'i gzugs khru gang tsam zhal gtsigs pa/ gsus pa che ba/ zhal gcig pa/ phyag gnyis pa/ phyag na ral gri dang zhags pa 'dzin pa/ gcer bu skra gsil bar byas la/ de'i snying khar thod pa gnyis
99a3 bcug ste/ nyi ma phyed dam nam phyed na dur khrod dam ro bsregs pa'i sar sbas te/ shin tu ring bar mgo lhor bstan la kha 'thur du phub la sba'o// khyim du 'ongs pa dang mnyam par bzhag pas ma he'i gdong gi
99a4 sbyor bas bsgrub bya'i ming dang bcas par yi ge bcu pa'i sngags bzlas pa byas na nyi ma gsum gyis 'chi'o// phyung nas bkrus na thar par 'gyur ro// de nas rengs pa'i rab tu sbyor ba gsungs te/ te'u lo pa'i
99a5 pags pa la dug la sogs pa'i rdzas kyis yi ge bcu pa'i sngags bris la/ pags pa de bsgrub bya'i rkang rjes kyi rdul dang gcin btang ba'i shul gyi sras bkang la de'i sgras bcing bar bya'o// phyi nas bong bu'i
99a6 gcin dang rnam par snang mdzad dang lhan cig tu brdzis la lam por dgang bar bya'o// der 'khor lo bcug la ro bsregs pa'i me la bzhag ste/ rkang pa g.yon pas mnan la gshin rje'i sbyor bas yi ge bcu pa'i
99a7 sngags bzlas pa byas na zhag gcig gis rengs par byed do// 'di ni phyis rjes su gzung ba mi 'grub pa'i rab tu sbyor ba'o// sngags pas shin tu khros pas rab tu sbyor bar bya'o// gzhan yang dbye ba'i rab tu sbyor ba 'di
iiif viewer powered by OpenSeadragon
Texts on this page
Ty061-004 - dpal rdo rje 'jigs byed kyi chen po'i rgyud ces bya ba