rKTs

e-texts navigator

Volume

Page

110b₁ byin gyis brlabs pa bsam par bya'o// da'i steng du snying lar sa'i dkyil 'khor khru bzhi pa mdog ser po la gyis byin gyis brlabs pa bsam par bya'o// de'i steng du dpral bar zla ba'i dkyil 'khor ma
110b₂ par bsam par bya'o// de'i dbus su yi ge ba mgo 'thur du gnas pa las bdud rtsi 'dzag par bsam ste/ 'di ni legs par rnam par bsams nas rlung gis me rab tu sbar te/ me des dbang chen gyi
110b₃ dkyil 'khor bsregs par rnam par bsam/ dbang chen gyi dkyil 'khor gyi drod kyis bdud rtsi'i dkyil 'khor de bzhu par bsam par bya'o// 'di yi sbyor ba tsam gyis ni// de yi bud med zhu 'gyur te/
110b₄ 'o ma yi ni shing bzhin du// zhu bar byed par the tshom med// de nas rgyal po 'am rgyal po'i blon po dbang du bya bar 'dod na/ sngags pa ma he'i gdong can gyi rnal 'byor la rab tu gnas la/ de nyid
110b₅ mdog dmar por bsams te/ bsgrub bya gang du gnas pa de'i steng du gnas la/ phyi nas rang gi lus 'jam dpal mdog dmar po phyag na lcags kyu dang zhags pa can phyung ste/ 'jam dpal des bsgrub
110b₆ bya'i snying khar dang mgrin pa bcings nas bkug par bsam ste/ 'jam dpal gyi sku la rab tu gzhug go// bsgrub bya de myos par bsam par bya ste/ de'i snying khar yi ge bcu pa'i sngags rnam par bsam
110b₇ par bya'o// yang na kha dog dmar po sgrub pa pos ye shes kyi gzugs kyis yi ge la gzhug par bya'o// de dang bsgrub bya gcig tu gyur par bya'o// bsam gtan 'di'i rab tu sbyor bas nyi ma bdun gyis

_{iiif viewer powered by OpenSeadragon}

110a - 111a

Texts on this page