| e-texts navigator |
| བོད་ཡིག |
110a1 las byung ba'i zla ba'i dkyil 'khor/ de'i steng du gshin rje'i gzugs lcags kyu dang zhags pa lag tu thogs pa rnam par bsam so// ma he gdong pa'i rnal 'byor la gnas pas
110a2 de la bka' bsgogashin rje song la yul che ge mo nas bu mo che ge mo myur bar khug cig/ de skad bskul bas yaM gi rnam par bskyod de song bar bsam par bya'o// bsam gtan 'di'i rab tu sbyor ba la gnas
110a3 pa'i sngags pas khams gsum du gtogs pa'i bud med bkug la rol bar bya'o// ji ltar bsam gtan brtan par gyur na 'di'i rab tu sbyor bas de dag bya'i/ gzhan gyis mi bya'o// de nas sbrul gyis
110a4 zin pa bslang ba'i rab tu byed pa gsungs te/ rang gi snying khar pad+ma dkar po 'dab ma brgyad pa rnam par bsam mo// de'i steng du dbyangs yig gsum pa 'dab ma brgyad pa rnam par bsam mo// de yis ni
110a5 'og gi klu'i gzugs rnam par bsam par bya ste/ de'i spyi bor yi ge i kha dog dkar po las bdud rtsi 'dzag pa bsam par bya'o// klu de'i mig rnams nas bdud rtsi 'phro nas bsgrub bya de'i lus la thim par
110a6 bsam par bya ste/ bsam gtan 'di'i sbyor bas khams gsum yongs su gang ba'i dug kyang med par 'gyur ro// dug lur stong yang za nus so// de nas zhu ba'i bsam gtan gyi rab tu sbyor ba 'byung ste/
110a7 bsgrub bya mdun du bsam ste/ de'i rkang pa gnyis la yi ge yaM las gyur pa'i rlung gi dkyil 'khor bsam par bya/ de'i steng du gsang ba'i gnas su me'i dkyil 'khor gru gsum kha dog dmar po raM gyis
iiif viewer powered by OpenSeadragon
Texts on this page
Ty061-004 - dpal rdo rje 'jigs byed kyi chen po'i rgyud ces bya ba