| e-texts navigator |
| བོད་ཡིག |
269a1 sna tshogs rdo rje'i rigs yin no// de rnams bzhi dang 'gyur ba dang // mi 'gyur ba yi bye brag gis// gsum du shes bya bla ma la// blo ldan rdo rje slob ma yis// ci ste bde ba
269a2 kun 'dod na// dad mos sems kyis dbul bar bya// yid la gang bsams ma phul lam// khas blangs de ni ma phul na// yi dgas dmyal ba rnam gnyis su// nges par skyes te rlag par 'gyur//
269a3 de bas de rnams rab phul nas// gsol ba dag ni rab tu gdab// rdo rje dkyil 'khor chen po yi// dkyil 'khor du ni bdag zhugs so// sbyor ba'i dkyil 'khor chen po yi// dkyil 'khor
269a4 bdag gis de ring mthong // gsang ba'i dkyil 'khor chen po yi// dkyil 'khor du ni bdag dbang bskur// de nas bla ma de yis kyang // de la dbang bskur sbyin bya ste// dri dang me tog 'phreng bas
269a5 brgyan// bsgrims te yang dag brtag par bya// dang po la ni bum pa'i dbang // gnyis pa la ni gsang ba'i dbang // gsum pa shes rab ye shes te// bzhi pa de yi ye shes te// bla ma las ni
269a6 thob pa'o// dpal rdo rje snying po rgyan gyi rgyud las/ phan yon dang bcas par dbang bskur ba'i le'u ste bzhi pa'o// / gang gis thabs kyis rigs lnga'i don// rang gi don gyur
269a7 kun tu bzang // 'di dag gzhan la rab bde'i phyir// rdo rje sems dpa'i sgrub thabs bshad// yid 'ong dben pa'i sa phyogs su// ci bder gnas la nam mkha' kun// sems kyis khyab par byas
iiif viewer powered by OpenSeadragon
Texts on this page
Ty060-006 - dpal rdo rje snying po rgyan gyi rgyud ces bya ba