| e-texts navigator |
| བོད་ཡིག |
254a1 las skyes shes bya// me yi khams ni ma las skyes// sha dang khrag dang pags pa yang // ma las skyes pa zhes bshad do// tshil dang rkang dang khu ba ni// pa las skyes zhes
254a2 bshad pa yin// gong bur yang dag 'dus pa ni// de dag tsam du bshad pa yin// gzugs dang tshor ba 'du shes dang // de bzhin 'du byed rnam shes rnams// sangs rgyas dngos po lnga yi
254a3 gzugs// phung por zhes byar bshad pa'o// lha mo bzhis yongs su zhus pa las/ lha mon bza' dkar mos zhus pa ste le'u gsum pa'o// de nas bzhad pa'i
254a4 zhal gyur te// lha mo sgrol ma bcom ldan mas// rdo rje sems dpa' la zhus pa// chos kyi dbyings kyi sgrub pa ni// gsungs shig rdo rje can chen po// rdzas rnams sgrub pa bka' stsal 'tshal/
254a5 de bzhin rig pa'i sngags rnams kyang // dkyil 'khor rnams ni btags pa dang // sbyin sreg so sor bya ba dang // de bzhin mchod pa'i cho ga yang // khyad par du yang bka' stsal 'tshal// de/
254a6 ltar lha mos zhus ma thag/ rdo rje sems dpas bka' stsal pa// chos kyi dbyings kyi sgrub thabs ni// nyon cig lha mo bshad par bya// gzugs dang sgra dang dri dang ni// de bzhin ro dang reg la
254a7 sogs// khams bco brgyad po de dag kyang // chos kyi dbyings shes bya ba'o// de dag nyid las byung ba ni// byang chub sems zhes shes par bya// byang chub sems las gong bu ste// gong bu
iiif viewer powered by OpenSeadragon
Texts on this page
Ty060-004 - lha mo bzhis yongs su zhus pa