| e-texts navigator |
| བོད་ཡིག |
253a1 bzhin nyid shes pa// dam pa'i yig 'bru shes pa gang // des ni gsang chen shes pa ste// gang de bdag nyid kun gnas pa// kha dog med cing kha dog dmar// kha dog/
253a2 dkar dang ser ba yi// thig le'i gzugs su bsgyur ba 'dis// 'gro dang phyir 'ong rnam par bstan// gang de rig pa rdzu 'phrul che// mtha' yas bcas pa sna tshogs gzugs// skye dang bsdus
253a3 nga 'jigs pa la// thig le'i gzugs su rab gnas so// gang gis brgyad khri rtsa bzhi'i chos// stong phrag brgya ru shes na yang // de yis de nyid mi shes te// de dag kun kyang 'bras med do//
253a4 bcu gnyis lnga yi lnga pa yang // brgyad kyi mtha' ru 'byung ba 'dus// sgra yig dang po yi ge a// lnga pa yis ni yang dag brgyan// snying rje chen po las byung ba// kha mar bltas pa'i drug pas/
253a5 btags// gdod ma mtha' ma med pa'i lha// de ni spyi bor bstan pa yin// de dag gsang chen dam pa yin// lha mo bdag gis rab bstan no// lha mo bzhis yongs su zhus pa las/ lha mo mA ma
253a6 kIs zhus pa ste le'u gnyis pa'o// / de nas lha mo gos dkar mos// yan lag kun gyis btud nas su// thal mo snying khar sbyar byas te// rdo rje sems dpa' la gsol pa/
253a7 chos kyi dbyings kyi bsdu ba dang // sku gsung thugs kyi rdo rje yi// rang bzhin nyid ni ji ltar lags// lha yi dbang phyug khyod la zhu// gang gis 'od kyi gong bur bsdu// rdo rje sems dpa' ji ltar lag/
iiif viewer powered by OpenSeadragon
Texts on this page
Ty060-004 - lha mo bzhis yongs su zhus pa