| e-texts navigator |
| བོད་ཡིག |
248a1 gzugs kyi rdo rjer bshad// byams pa rtsa rgyus dbus nu bzhugs// de bzhin khro bo'i rgyal po gnyis// shar dang lho yi mtshams su ni// me long ye shes su ni bshad/
248a2 rnam par snang mdzad rnam dag nyid// bde dang sdug bsngal 'jigs dang skyo// tshor ba'i mtshan nyid du ni 'dod// tshor ba chu yi khams dang ni// phyi rol sgra ni rdo rje dang // rna ba phyag na rdo rjer bshad//
248a3 rigs ni gnyis po 'dres pa nyid// dri yi rdo rje phyi rol 'gyur// sna yi rnam shes mkha' snying po// khro bo gnyis po rnam par shes// mnyam nyid rin chen 'byung ba dang // dngos dang dngos med//
248a4 sogs 'du shes// snga ma rjes dran mtshan nyid can// 'du shes phung po me khams dang // phyi rol dri yi rdo rje dang // lce yi rnam shes 'jig rten mgon// de bzhin khro bo'i rgyal po gnyis// /
248a5 de ni so sor rtog ye shes// 'od dpag med kyi rigs las byung // dge dang mi dge'i las rnams kyis// bag chags 'du byed mtshan nyid ni// 'du shes phung po rlung gi khams// phyi rol ro yi
248a6 rdo rje dang // lus kyi rnam shes sgrib rnam sel// kun bzang tshigs kyi mtshams dbus bzhugs// de bzhin khro bo'i rgyal po gnyis// bya ba nan tan grub ye shes// don yod grub pa'i rigs las
248a7 byung // dngos po kun gyi rang bzhin ni// ye shes mtshan nyid rnam shes brjod// rnam par shes pa nam mkha'i khams// yid kyi rnam shes 'jam rdo rje// de bzhin khro bo'i rgyal po gnyis//
iiif viewer powered by OpenSeadragon
Texts on this page
Ty060-003 - rnal 'byor chen po'i rgyud dpal rdo rje phreng ba mngon par brjod pa rgyud thams cad kyi snying po gsang ba rnam par phye ba zhes bya ba