| e-texts navigator |
| བོད་ཡིག |
237b1 drug cu rtsa gcig pa'o// / de nas gzhan yang bshad kyis nyon// tshogs kyi 'khor lo'i cho ga mchog/ gang gis mchod pa las byung ba// rgyal sras rnams kyi dngos grub
237b2 mchog/ rnal 'byor tshe dang lhan cig tu// sgrub pa'i phyir ni yang dag gnas// phyag rgya brda ni yongs shes shing // de dang dam tshig la ni 'jug/ de rnams tshogs ni rab mchog dang // tshogs kyi 'khor
237b3 lo zhes ni brjod// kun kyang dam tshig la gnas pa// rtog pa thams cad rnam par spangs// bla ma la dang dam tshig gnas// gtong sogs yon tan rnams kyis brgyan// thabs shes bya ba bgegs
237b4 med na// tshogs kyi 'khor lo la ni 'jug/ gzhan du skyon ni 'byung 'gyur te// 'khor lo la yang 'grub mi 'gyur// shes rab kyang ni thabs dang mtshungs// mdza' bo bzang dang rab tu mkhas/
237b5 lo ni nyi shu rtsa lnga lon// lhag pa yongs su spangs nas ni// thabs dang so sor shes rab dang // kun la gcig ni phan yon med// thog ma yid 'ong nyams dga' bar// me tog gi ni dkyil 'khor
237b6 bya de nyid sna tshogs mchod pa ni// legs par mnyam par bzhag nas mchod// gtso bo dngos po kun gyis ni// rdo rje sems dpa' bzhin du mchod// tshogs kyi mchod pa byas rjes la// dkyil
237b7 'khor lugs 'byung lugs bzlog pas// dad pa dngos pos kun nas ni// mnyam pas blta bas bsgoms nas ni// bstan bcos nyams myong 'jig rten dang // 'gal ba de ni gzhug mi bya//
iiif viewer powered by OpenSeadragon
Texts on this page
Ty060-003 - rnal 'byor chen po'i rgyud dpal rdo rje phreng ba mngon par brjod pa rgyud thams cad kyi snying po gsang ba rnam par phye ba zhes bya ba