| e-texts navigator |
| བོད་ཡིག |
199b1 dga' ba yang ni de bzhin no// gang gi dus kyi dga' ba rnams// rdo rje dbang phyug 'byung ba gsungs// chos kyi dbyings ni ji ltar bshad// rdo rje yang ni ji ltar bstan// bdag gi sgra ri ji ltar gsungs//
199b2 gsang ba zhes bgyi ji ltar lags// mchog ces bgyi ba ji ltar bshad// dgyes pa'i don ni gsol bar mdzod// rigs kyi bye brag du tsam bstan// phung po la sogs skye mched ci/
199b3 tshangs dang khyab 'jug drag po dang // dbang phyug rtag tu zhi ba dang // gang nas skyes shing gang du gnas// chen po'i chen po de ji ltar// phyag rgya'i bye brag du zhig bshad// phyag rgya chen po rje
199b4 ltar lags// mgon po mchod pa'i bye brag ci// de ru me tog ji ltar yin// mgon po chen po mchod sbyin ni// ji lta bu zhig 'tshal ba lags// mchog gi dngos po'i dkyil 'khor ni//
199b5 bcom ldan 'das de ji lta bu// de ru lha mo ci 'dra ba// lha mo bgyi ba gang lags gsungs// bcom ldan dur khrod du zhig mchis// de ru shing ni ji ltar bshad// dur khrod dang ni shing rnams ni//
199b6 rgyal ba'i dbang phyug de gnas gsungs// mgon po nang gi sbyin sreg dang // bdud rtsi lnga yi cho ga dang // rnal 'byor ma yi 'du shes dang // de ru skad ni ji lta bu// bdag nyid kyi ni rang ngo bo/
199b7 mgon po chen po khyod kyis gsungs// dpal phyag rgya chen po thig le las rgyud thams cad kyi rgyu zhes bya ba'i le'u ste dang po'o// / bcom ldan 'das kyis bka' stsal pa//
iiif viewer powered by OpenSeadragon
Texts on this page
Ty058-025 - dpal phyag rgya chen po'i thig le zhes bya ba rnal 'byor ma chen mo'i rgyud kyi rgyal po'i mnga' bdag