| e-texts navigator |
| བོད་ཡིག |
487a1 nas gsang ba'i don 'di gsungs pa/ dad ldan snying rjer ldan dang rtse gcig sems// lus ngag gus bcas gzhan la phan sems ldan// 'jigs med brtul zhugs ldan/
487a2 zhing zab mo yi// lam la spro bar gyis nas legs par nyon// mkha' 'gro khyod kyi mtshan nyid ni// nga yis khyod la bshad par bya// mkha' spyod steng sgo'i rlung yin te// sa spyod par du thig le'i sgo/
487a3 sa 'og spyod pa shu kra'i sgo// sgo gsum sku gsung thugs yin te// dang po mkha' spyod mtshan nyid kyang // rnam pa gsum du shes bya ste// bems po'i rlung dang rnam rtog rlung // kun gyi mtshan nyid
487a4 ye shes rlung // mdor bstan de nyid rim pas dbye// gnyis med rlung ni ma ning ste// zung 'jug thabs dang shes rab rlung // ldang 'jug sku gsung thugs kyi rlung // snying dang gzhang kha mgrin pa dang //
487a5 lte ba'i lus ni khyab pa ru// rigs lnga'i rlung ni khyab par gnas// rgyu ba bzhi ni 'byung ba'i rlung // dngas snyigs 'byed pa brgyad du 'gyur// 'di nyid rlung ni thun brgyad de// thun re la ni 'pho ba gnyis//
487a6 rlung gi 'pho ba bcu drug yin// 'pho ba gcig la chu tshod gnyis// chu tshod re la dbyug gu gnyis// rlung gi dbyug gu drug cu bzhi// de bzhin chu tshod sum cu gnyis// nyi khri chig stong drug brgya sogs/
487a7 sems dang sems med 'dres pa'i rlung // rags pa dang ni phra ba la// mkhas pas sems kyi bzhon par bzung // rnam rtog gzung 'dzin sems kyi rta// gzung 'dzin gnyis 'gags dbu mar gnas/
iiif viewer powered by OpenSeadragon
Texts on this page
Ty057-012 - dpal nam mkha' dang mnyam pa'i rgyud kyi rgyal po
Ty057-013 - dpal nam mkha' chen po'i rgyud kyi rgyal po