| e-texts navigator |
| བོད་ཡིག |
294a1 skyil mo krung bcas bzhin du 'gro ste/ dper na 'dab chags bya bzhin zhe na/ smras pa/ 'di la dge slong 'jig rten pa'i snyoms par 'jug pa gang dang gang la ci 'dod pa bzhin
294a2 thob pa dang / dka' ba med par thob pa dang / tshegs med par thog pa des/ de skyed cing spun te/ yang dag par skyed cing yang dag par sgrub par byed la gsal bar byed do// des de bskyed cing bskrun te/ yang dag
294a3 bar bskrun cing yang dag par bsgrubs la gsal bar byas nas/ phyogs gang na 'greng ngam/ 'dug gam/ nyal yang rung ste/ des der ma 'am/ me lce 'am/ dud pa 'am/ dud pa'i rtags can nam// rlung ngam/
294a4 rlung gi dkyil 'khor du mos par byed de/ de der me 'am/ me lce 'am/ dud pa'am/ dud pa'i rtags car nam/ rlung ngam/ rlung gi dkyil 'khor du mos nas kyang / de'i 'og tu bdag rlung gi dkyil 'khor gyis gyen du
294a5 khyer bar gyur cig snyam du mos sam/ yang na glang po che'am/ rta 'am/ shing rta 'am/ dpung bu chung ngam/ bya 'am/ rtsig pa 'am/ shing dbyer bar gyur cig snyam du mos par byed de/ ji lta ji ltar mos pa de lta de lta/
294a6 gzhan gyi sha'i mig tha mal pas mthong ngo // de 'di snyam du sems te/ kye ma rdzu 'phrul 'di lta bu zhig myong bar bya'o// so sor myong bar bya'o// rigs par bya'o// nyams su myong bar bya'o snyam du bsams na/ de
294a7 bzhin du 'grub par 'gyur te/ 'di lta ste/ rdzu 'phrul gyi rkang pa rnams legs par bsgoms pa'i phyir ro// de ltar nam mkha' la skyil mo krung bcas bzhin 'gro ste/ dper na 'dab chags bya bzhin no// des
iiif viewer powered by OpenSeadragon
Texts on this page
Ty055-004 - rgyu gdags pa