| e-texts navigator |
| བོད་ཡིག |
275a1 pa gnod pa skyed pa ste// rmongs pas sems ni rab rmongs byed// nang nas 'jigs pa skyes gyur pa// de ni skye bos mi rtogs so// gang gis 'dir ni rmongs spangs na// rmongs par/
275a2 'gyur la rmongs mi byed// nyi ma shar ba'i mun pa bzhin// de yi gti mug med par 'gyur// gang gi chos rnams gsum po 'di// ta la'i mgo ltar bcad byas te// gtubs nas ring po mi thogs par//
275a3 de ni skye gnas 'gro mi 'gyur// de phyir 'dod chags zhe sdang dang // ma rig pa ni spong byed cing // rig pa skyed pa'i dge slong ni// sdug bsngal zad pa thob par 'gyur// ci'i phyir 'dod chags kyi shas che bar
275a4 'gyur zhe na/ smras pa/ des chags pa mi dge ba'i rtsa ba kun tu bsten cing bsgoms te mang du byas pa dang / ma chags pa dge ba'i rtsa ba kun tu ma bsten cing bsgoms te/ mang du ma byas pa'i phyir ro//
275a5 gzhan yang nges 'dod pa'i 'du shes dang / 'dod pa'i khams dang / 'dod pa'i rtog pa kun tu bsten cing bsgoms te mang du byas pa dang / mngon par 'byung ba'i 'du shes dang / mngon par 'byung ba'i/
275a6 khams dang / mngon par 'byung ba'i rtog pa kun tu ma bsten cing ma bsgoms te mang du ma byas pa'i phyir ro// gzhan yang des brgyan pa dang klubs pa la brtson pa kun tu bsten cing bsgoms te mang du byas
275a7 pa dang / brgyan pa dang / klubs pa dang bral ba kun tu ma bsten cing ma bsgoms te mang du ma byas pa'i phyir ro// gzhan yang des sdug pa'i mtshan ma kun tu bsten cing bsgoms te mang du byas pa dang /
iiif viewer powered by OpenSeadragon
Texts on this page
Ty055-004 - rgyu gdags pa