rKTs

e-texts navigator

Volume

Page

226b₁ de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/ der byang chub sems dpa' des skyes bu chen po'i mtshan ro stod seng ge'i 'dra ba dang /
226b₂ thal gong rgyas pa dang / dpung mgo shin tu zlum pa gsum thob par 'gyur ro// de'i snga ltas ni 'di yin te/ gal te khyim par 'dug cing khyim na gnas na ni/ 'khor lo sgyur ba'i rgyal po mtha' bzhir
226b₃ rgyal ba zhes bya ba nas/ rgyas par sbyar te/ bde bar byas pa dang / dge ba byed pa'i gtso bor gyur cing / gtso bor bsgo ba byas pa dang / bkur sti byed/ bla mar byed ces bya ba'i bar du rgyas par sbyar ro//
226b₄ gal te skra dang kha spu rnams bregs te/ gos ngur smrig dag bgos nas zhes bya ba nas/ rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su
226b₅ 'gyur te/ sgra cher grags par 'gyur ro zhes bya ba'i bar du gsungs te/ bde bar byas pa dang / dge bar byed pa'i gtso bor gyur cing / gtso bor bsgo ba byas pa dang / bkur sti byed/ bla mar byed ces bya/
226b₆ ba'i bar du rgyas par sbyar te/ 'di ni de'i snga ltas yin no// 'di la chos nyid ni 'di yin te/ de la 'di skad ces bya'o// nags khung seng ge'i rgyal po ji bzhin du// bdag gi ro stod seng ge'i 'dra bar gyur/
226b₇ sngon ni thal gong shin tu rgyas gyur dang // dpung mgo yang ni shin tu zlum par gyur// nan gyis mi 'dzin mchog tu 'dzin pa med// nyes par bsams pa legs spong bcul zhugs bzang // dge sbyong

_{iiif viewer powered by OpenSeadragon}

226a - 227a

Texts on this page