| e-texts navigator |
| བོད་ཡིག |
191a1 chags med bdag med re ba med// 'khrug bcom bdag nyid mya ngan 'das phyogs te// bram ze dge sbyong de yin dge slong de// gang zhig ma yi mngal skyes nas// gal te 'dzin pa dang
191a2 bcas na// de ming bu zhes smra bar bstan// bram ze yin par nga mi sba// yongs su 'dzin med len med pa// bram ze yin par ngas gsungs so// gang zhig lus dang ngag dang ni// yid kyi nyes byas mi byed cing //
191a3 gang zhig gnas gsum legs bsdam ste// bram ze yin par ngas gsungs so// gang gi tshig dag mi rtsub cing // go byed yid 'ong smra ba dang // gang gis nyon mongs mi skyed de// bram ze yin par ngas
191a4 gsungs so// gang zhig gsod 'ching gshe ba dang // sdang ba'i mi la bzod byed de// bzod pa'i brtul zhugs stobs tshogs can// bram ze yin par ngas gsungs so// khro ba med cing tshul khrims can//
191a5 brtul zhugs ldan zhing sems khrul med// dul zhing lus mthar gnas pa de// bram ze yin par ngas gsungs so// gang zhig rab byung khyim pa dang // de bzhin gnyis kar mi 'dre zhing // 'dod chung
191a6 khyim nas ma byung de// bram ze yin par ngas gsungs so// ma 'ongs pa la mngon mi dga'// 'das pa rnams la gdung med pa// 'khrig pa'i sbyor bral g.yul rgyal te// bram ze yin par ngas
191a7 gsungs so// ma 'ongs pa la mngon mi dga'// 'das la gdung med rdul bral zhing // zhi ba mya ngan med pa de// bram ze yin par ngas gsungs so// gang zhig 'dod chung gzhan mi gso// dul zhing snying
iiif viewer powered by OpenSeadragon
Texts on this page
Ty055-002 - ched du brjod pa'i tshoms