| e-texts navigator |
| བོད་ཡིག |
180a1 par 'dzin bde// de bzhin mar yang 'dzin pa bde// 'jig rten dge sbyong 'dzin pa bde// de bzhin bram zer 'dzin pa bde// sangs rgyas rnams ni 'byung ba bde/
180a2 de bzhin chos rnams brtan pa bde// dge 'dun rnams ni 'thun pa bde// 'thun pa rnams kyi dka' thub pade// tshul khrims ldan pa mthong ba bde// mang du thos pa mthong ba bde// yang srid/
180a3 rnam par grol ba yi// dgra bcom pa dag mthong ba bde// 'jug ngogs bde ba'i chu klung bde// chos kyis rgyal ba'i skye bo bde// shes rab thob par 'gyur ba bde// nga 'o nga rgyal zad pa ste//
180a4 'phags pa rnams ni mthong ba bde// dam pa dag dang 'grogs pa bde// byis pa rnams ni ma mthong na// rtag tu bde ba nyid du 'gyur// rnam pa kun tu dgra 'dra ba'i// byis dang 'grogs pa sdug
180a5 bsngal zhing // byis pa dag dang 'grogs byed pa// yun ring rjes su 'gyod par 'gyur// skyes bu cang shes dkon pa ste// de dag kun tu 'byung ma yin// brtan pa rnams dang 'grogs pa
180a6 dag/ gnyen dang phrad pa lta bur bde// gang du brtan pa de skyes pa// de yi rigs kyis bde ba 'thob// bram ze mya ngan 'das pa dag/ rnam pa kun tu bde bar 'dug/ gang zhig 'dod pas mgos
180a7 shing / zag med rab tu rnam grol ba// sred pa thams cad gtubs pa dag/ snying las rims nad rnam par bsal// sems kyis zhi ba thob pa rnams// nye bar zhi zhing bde bar 'dug/ gang
iiif viewer powered by OpenSeadragon
Texts on this page
Ty055-002 - ched du brjod pa'i tshoms