| e-texts navigator |
| བོད་ཡིག |
142a1 phra rgyas ma bton na// yang dang yang du sdug bsngal 'di mi ldog/ dper na bdag nyid kyis ni byas pa'i mtshon// de yis rkun po'i mthu yis bdag gsod ltar// de bzhin nang ni/
142a2 sems las byung ba yi// sred pas lus can nye bar gsod par byed// de ltar sred las sdug bsngal bdag/ 'byung ba'i nyes dmigs shes gyis te// sred spongs nye bar len med dang // dran ldan dge slong kun
142a3 tu rgyu sa// sred pa'i tshems te gsum pa'o// / bag yod 'chi med gnas yin te// bag med pa ni 'chi ba'i gnas// bag yod 'chi bar mi 'gyur te// bag med pa ni rtag tu 'chi//
142a4 de yi khyad par de rig pas// mkhas pa rnams bag dang bcas// bag yod pa la rab dga' ba// 'phags pa'i spyod yul dga' ba yin// de la rgyun tu bsgoms pa dang // rtag tu pha rol gnon brtan pa'i/
142a5 brtan pas grub bde bla na med// mya ngan 'das la reg pa yin// gang tshe mkhas pas bag yod pas// bag med bcom pa de yi tshe// shes rab khang bzangs steng 'dzegs nas// mya ngan med pas gdung
142a6 bcas dang // bcan rnams ri bo'o spo ka las// sa steng byis pa rnams la lha// brtson 'grus dang ni bag yod dang // yang dag sdom dang dul ba yis// mkhas pas gling du byas nas ni// chu bo chen po
142a7 mngon du zlog/ brtson 'grus ldan zhing dran dang ldan pa dang // spyod pa gtsang zhing brtags nas byed pa dang // yang dag sdom dang chos kyi 'tsho ba dang // bag yod rnams kyis grags pa mngon par 'phel/
iiif viewer powered by OpenSeadragon
Texts on this page
Ty055-002 - ched du brjod pa'i tshoms