| e-texts navigator |
| བོད་ཡིག |
139a1 #/ 'dod spang nus re san// rgyal po'i shing nA shin tu bkra ba'ang 'jig/ de bzhin lus kyang nye bar rga bar 'gyur// dam pa rnams kyi chos 'di dam pa ste// mi mchog gzhan rtogs/
139a2 byed cing rga mi 'gyur// rga ba khyod ni blun zhing ngan// khyod ni ma rigs byed pa ste// yid du 'ong ba'i gzugs 'di yang // khyod kyis mngon par bcom par gyur// gang zhig lo ni brgya 'tsho ba// de yang
139a3 'chi bdag nyid kyis khrid// 'di dag na bar 'gyur ba 'am// yang na na pa'am 'chi bas 'joms// rtag tu ldog pa med par 'gro 'gyur zhing // nyin dang mtshan du rab tu 'jigs pa dang // skye dang 'chi/
139a4 ba'i sdug bsngal dang ldan pa// chu tshan nang du gdungs pa'i nya dang 'dra// tshe 'di nyid dang mtshan mo dang // 'gro ba dang ni 'dug pa na// chu klung chen po'i rgyun bzhin du// phyir mi ldog par 'gro bar 'gyur// chu
139a5 klung nang gi nya lta bur// gang zhig nyin zhag 'da' ba yis// tshe ni shin tu thung 'gyur na// de la dga' bar bya ci yod// gson mtha' 'chi ba yin pa'i phyir// lus 'di yongs su rga ba dang // nad kyi tshang 'di//
139a6 myur 'jig cing // rnag gi tshogs kyang 'jig par 'gyur// kye ma lus 'di mi thogs par// stong zhing rnam shes dang bral nas// dur khrod bor ba'i mgal dum ltar// sa yi steng du 'gyel bar 'grur/
139a7 rgun du nad kyis mngon gdung zhing // rtag tu mi gtsang 'dzag pa dang // rga dang 'chi bas 'tsher 'grib pa'i// lus 'di do ma cir mi rung // myur du 'jig cing na ba dang // rnag dang ldan pa'i lus 'di yis//
iiif viewer powered by OpenSeadragon
Texts on this page
Ty055-002 - ched du brjod pa'i tshoms