rKTs

e-texts navigator

Volume

Page

324b₁ rten na sngags mthu dang ldan pa'i sngags gang yin pa de dag thams cad dge sbyong go'u ta ma 'dod na rab tu 'joms par byed do// yang 'jig rten pa'i sngags mthu dang ldan pa thams cad kyis ni
324b₂ dge sbyong go'u ta ma'i sngags rab tu gzhom par mi nus so// de lta bas na dge sbyong go'u ta ma'i sngags ni ches stobs dang ldan pa yin no// de nas tshe dang ldan pa kun dga' bo bcom ldan 'das
324b₃ ga la ba der song ste/ rim gyis phyin nas bcom ldan 'das kyi zhabs la spyi bos gtugs nas phyogs gcig tu 'dug go// phyogs gcig tu 'dug nas/ bcom ldan 'das la tshe dang ldan
324b₄ pa kun dga' bos gnas skabs de gsol pa dang / bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis yi ge drug pa'i rig sngags 'di bstan
324b₅ gyis gzung la chongs shig/ lhogs la kun tu gzung na/ bdag nyid la phan pa dang bde bar 'gyur zhing / dge slong dang / dge slong ma dang / dge bsnyen dang / dge bsnyen ma rnams la
324b₆ phan pa dang / bde ba thob par 'gyur ro// kun dga' bo yi ge drug pa'i rig sngags ni 'di yin te/ de bzhin gshegs pa dgra bcom pa yang dag par rdzogs pa'i sangs rgyas drug gis gsung
324b₇ shing / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / da ltar yang dag par rdzogs pa'i sangs rgyas ngas kyang gsungs pa yin gyis/ de lta bas

_{iiif viewer powered by OpenSeadragon}

324a - 325a

Texts on this page