| e-texts navigator |
| བོད་ཡིག |
99a1 de ltar na de bzhin gshegs pa mchog tu sku ni ring ngo // 'od srungs chen po dang rus gcig pa/ gzhan yang 'di ltar chu klung chen po bzhi ma dros pa'i nang nas 'byung ba de bzhin/
99a2 du/ tshe ring ba'i tshogs thams cad kyang de bzhin gshegs pa las 'byung ngo // 'di ltar rtag pa thams cad kyi nang na ni// nam mkha' mchog tu rtag pa yin la/ de bzhin gshegs pa'ang nam mkha'
99a3 bzhin du rtag go// 'di ltar zhi bar byed pa thams cad kyi nang na ni/ mar 'bab zhig mchog tu zhi bar byed pa yin la/ de bzhin gshegs bzhi pa dang bsil bar gyur pa'ang mar dang 'dra ba'i chos ston to//
99a4 'od srungs chen po dang rus gcig pas gsol pa// bcom ldan 'das gal te de bzhin gshegs pa mchog tu sku tshe ring ba lags na/ sems can thams cad la sman pa'i slad du/ bcom ldan 'das
99a5 bskal pa'am/ bskal pa las lhag par yang yun ring du bzhugs shing / sprin chen po bzhin du dam pa'i chos kyi char yang rab tu dbab tu gsol/ bcom ldan 'das kyis bka' stsal pa/ 'od srungs
99a6 chen po dang rus gcig pa// de bzhin gshegs pa dgra bcom pa yang dag par rdzogs pa'i sangs rgyas rnams la mthar thug par 'gyur ba'i 'du shes ma skyed cig/ 'od srungs chen po dang rus gcig pa
99a7 'di na dge slong ngam/ dge slong ma 'am/ dge bsnyen nam/ dge bsnyen ma 'am/ 'di las phyi rol pa'ang rung ste/ mngon par shes pa lnga la dbang thob po de'ang bskal pa 'am/ bskal pa las lhag par
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo