| e-texts navigator |
| བོད་ཡིག |
95a1 pa med pa yongs su bshad du gsol/ bdag zhu bar 'tshal lo// bcom ldan 'das kyis bka' stsal pa/ rigs kyi bu nyon cig/ las gang gis
95a2 kyang byang chub sems dpa' chen po che ring bar gyur pa dang / las gang gis byang chub kyi rgyur 'gyur bde/ gzung ba'i sems kyis nyon cig dang / las kyi 'bras bu des na/ byang chub kyi rgyu skye bar
95a3 'gyur ro// thos nas kyang gzhan dag la ston cig/ rigs kyi bu ngas kyang las de byas shing / gzhan dag la'ang bstan pas/ bla na med pa yang dag par rdzogs pa'i byang chub thob par gyur to//
95a4 rigs kyi bu dper na mi la la zhig pu gcig pa thar par bya ba'i phyir/ rgyal po'i btson ra'i nang du 'gro ba de bzhin du/ byang chub sems dpa' tshe ring bar 'dod pas kyang / sems can thams
95a5 cad la bu gcig pa'i 'du shes bsgom par bya'o// de ltar bsgoms na/ 'tshe ba thams cad spong bar 'gyur la/ byams pa chen po dang / snying rje chen po dang / dga' ba chen po dang / btang
95a6 snyoms chen po dang ldan par 'gyur zhing / srog gcod pa spong bar 'gyur ba dang / chos spyod par 'gyur ro// rigs kyi bu gzhan yang sems can dpag tu med pa dag bslab pa'i gzhi la 'god
95a7 par 'gyur// dge ba bcu'i las kyi lam la'ang 'god par 'gyur ro// gal te nus ni sems can dmyal ba dang / lha ma yin dang / gshin rje'i 'jig rten dang / dud 'gror skyes pa rnams
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo