| e-texts navigator |
| བོད་ཡིག |
83a1 de bzhin du nga'i chos bstan pa rnam pa sna tshogs gsang ba/ thar pa'i grong khyer gyi bdud rtsi'i zas kyang de dang 'dra bar blta bar bya'o// sems can thams cad dang nga'i sras
83a2 dge slong thams cad la dam pa'i chos mang po brtan por bzhag go// gzhan yang sems can thams cad la phan pa'i phyir/ de bzhin gshegs pa'i yon tan che ba nyid bsgrags te/ yi ge 'bru gcig pa'i
83a3 thig le'i gtam yang bzhag nas/ yongs su mya ngan las 'da' bar bya'o// de nas dge slong de dag gis de bzhin gshegs pa yongs su mya ngan las 'da'a'o zhes thos nas/ mi
83a4 dga' bar gyur te// skyi bung zhes byas nas/ mig mchi mas gang bzhin du bcom ldan 'das kyi zhabs la mgo bos phyag 'tshal te/ bcom ldan 'das la lan mang du bskor ba byas nas/ bcom ldan
83a5 'das la 'di skad ces gsol to// bcom ldan 'das kyis sdug bsngal ba dang / mi rtag pa dang / bdag med pa dang / rjes thams cad kyi nang na glang po che'i rjes ches mchog yin par brtan to zhes
83a6 gsungs te/ de ltar mi rtag pa'i 'du shes bsten cing bsgoms te mang du bgyis pas/ 'dod pa'i 'dod chags thams cad zad par 'gyur/ gzugs kyi 'dod chags thams cad zad par 'gyur/
83a7 gzugs med pa'i 'dod chags thams cad zad par 'gyur/ ma rig pa thams cad zad par 'gyur/ lhag pa'i nga rgyal thams cad ma lus par yang dag par chad par 'gyur lags so//
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo