| e-texts navigator |
| བོད་ཡིག |
234a1 bsgom par bya'o// gang gi tshe de bzhin gshegs pa dam pa'i chos nub pa dang / zhig par 'gyur ro zhes ston na ni/ de'i tshe sdug bsngal ston to snyam du shes/
234a2 par bya ste/ sdug bsngal bsgom par bya'o// gang gi tshe de bzhin gshegs pa dge slong rnams dang / dge slong ma rnams la nga'i lus la nad chen po mtha' yas pas gzir to//
234a3 dge 'dun 'jig par 'gyur ro zhes ston na ni de'i tshe bdag med pa ston to snyam du shes par bya ste/ bdag med pa sgom pa bsgom par bya'o// gang gi tshe de bzhin gshegs pa thar pa ni
234a4 mtshan ma med pa dang / stong pa nyid dang / ci'ang med pa'o zhes ston na ni// de'i tshe thar pa ni srid pa nyi shu rtsa lnga dang bral ba yin no zhes ston par shes par bya ste/ de bas na stong
234a5 pa zhes bya'o// gang gi phyir de la sdug bsngal med pas na de'i phyir sdug bsngal ci'ang med pa dang / mchog tu bde ba dang / mtshan ma med pa yin no// gang gi phyir de la mi
234a6 rtag pa dang / mi brtan pa dang / ther zug ma yin pa dang / zhi ba'i rang bzhin ma yin pa med pas na de'i phyir thar pa ni rtag pa dang / brtan pa dang / ther zug pa dang
234a7 zhi ba ste/ de nyid de bzhin gshegs pa yin no// gang gi tshe de bzhin gshegs pa sems can thams cad la de bzhin gshegs pa'i snying po yod do zhes ston na/ de'i tshe yang dag
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo