| e-texts navigator |
| བོད་ཡིག |
215a1 gis ni za ba phyed yin par 'dzin te/ zla ba byed du 'gyur zhing 'char ba yang med/ ltung ba'ang myed de/ tha ba ni rab kyi rkyen gyis de lta snang //
215a2 rigs kyi bu de bzhin du de bzhin gshegs pa dgra bcom pa yang dag par rdzogs pa'i sangs rgyas kyang / 'dzam bu gling la lar ni yongs su mya ngan las 'da' ba lta bur snang ste/ sems
215a3 can rnams kyis de bzhin gshegs pa yongs su mya ngan las 'das so snyam du 'dzin to// 'dzam bu gling la lar ni zla ba tshes pa bzhin du skye ba lta bur snang ste/ sems can rnams kyis
215a4 khye'u 'di skyes so snyam du 'dzin to// zla ba tshes gnyis dang 'dra bar ni lha'i thad du 'gro bar 'dzin to// zla ba tshes gsum dang 'dra bar ni yi ge slob pa'i sar 'gro bar 'dzin to//
215a5 zla ba tshes brgyad lta bur ni rab tu 'byung bar ston to// zla ba nya ba lta bur ni 'od kyis mun pa bsal ba bzhin du bdud bye ba snyed brlag nas lam mer bzhugs so// zla ba nub pa lta bur na
215a6 yongs su mya ngan las 'da' bar ston te/ zla ba gza' rnams kyis bskor ba bzhin du mtshan sum cu rtsa gnyis dang dpe byad bzang po brgyad cus brgyan to// der kha cig gis ni lhung
215a7 bar 'dzin kha cig gis ni skye bar 'dzin la/ skyes pa'ang med/ 'gag pa'ang med de/ de bzhin gshegs pa ni zla ba nya ba bzhin du dus thams cad du rtag pa yin no//
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo