| e-texts navigator |
| བོད་ཡིག |
197b1 tu brgyud de byung ba'ang yin la/ dngos po de dag dang mgo mnyam du gcig nas gcig tu brgyud de byung zhes kyang mi bya'o// gal te dngos po de dag dang mgo mnyam du ma byung na'ang
197b2 de ltar na ye med dmab las byung ba'i zhun mar yang gzhan las byung ba ma yin la/ rang bzhin can de'ang thams cad la yod mod kyi/ 'on kyang nyes pas bsgribs pa dang
197b3 phan tshun 'dres pa'i tshul du 'dug pa'i phyir mi mngon te/ ba'i zas kyi nyes pas 'o ma khrag gi dring ba bro la/ bas shing ngar zos na ni 'o ma mngar ba 'byung ngo // rtsa ro tsha ba zos na
197b4 ni 'o ma ro tsha ba 'byung ngo // gangs kyi ri la rtswa'i rigs sum can zhes bya ba zhig yod de/ bas de zos na ni 'o ma mar gyi nying khu'i rang bzhin kho nar 'byung ste/ dkar ba'ang ma yin/
197b5 sngo ba'ang ma yin/ dmar ba'ang ma yin/ blo skya'ang ma yin pa/ mar gyi nying khu'i rang bzhin kho nar byung ste/ de ltar rtswa'i bye brag gis 'o ma mdog ngan pa dang / mdog
197b6 bzang por 'gyur ba de bzhin du/ ma rig pa dang rig pa gnyis su med mod kyis/ sems can rnams kyi las kyi nyes pas rig pa gang yin pa de nyid ma rig pa lta bur gyur te/ dag
197b7 ba dang mi dge ba'i chos thams cad kyang gnyis su med pa kho na'o// de bas na sngar bstan pa kho na bzhin du/ de bzhin gshegs pa'i snying po ni mar gyi nying khu lta bu'i rang bzhin can
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo