rKTs

e-texts navigator

Volume

Page

180a₁ sbom po'i nyes pa byung ba dang bsten par mi bya'o// nyes pa sbom po zhes bya ba ni bcom ldan 'das kyis mchod rten bsrung ba'i phyir/ gzhan gyis yongs
180a₂ su bzung ba la me tog gi 'phreng ba btags pa de brnyings nas/ srad bu dgos pa'i phyir len par byed de/ dge slong rnams la 'dzem ste/ dge slong rnams la ma dris par dge slong gis
180a₃ blangs na nyes pa sbom po'i brku ba'i sems kyis mchod rten bshig na'ang nyes pa sbom po'i nyes pa can du 'gyur te/ de lta bu dag dang bsten par mi bya'o// 'di na khyim bdag gam/ blon
180a₄ po la la zhig gis gal te chos kyi bsam pas sku gdung la bkur stir bya ba 'am/ pha gu dgos pa'i phyir/ mchod rten rnying pa bshig ste/ blangs nas khyim bdag gam blon po
180a₅ des mchod rten de las gser du ngul zhig byung na/ de dge slong 'ga' zhig gi lag tu gtad pa las/ dge slong des de blangs te/ bdag gi nor du byas la rtsod par byed na dge slong de la
180a₆ legs pa ma yin no// dge bsnyen de dag ni chos la gnas pa yin no// dge slong de ni yid brtun du mi rung ste bsten par mi bya'o// ma ning yin par shes par bya'o// mtshan gnyis
180a₇ par shes par bya'o// mtshan gnyis pa zhes bya ba ni gang la mtshan gnyis yod pa ste/ gang gi tshe skyes pa'i 'dod chags skyes pa de'i tshe ni/ bud med dang 'dod pa spyod par byed la

_{iiif viewer powered by OpenSeadragon}

179b - 180b

Texts on this page