| e-texts navigator |
| བོད་ཡིག |
149a1 kyi de kho na nyid du rig par bya'o// gsol pa/ ci'i slad du de bzhin gshegs pa rnam gnyis su ston lags/ bka' stsal pa/ rigs kyi bu gzhan yang dper na mi
149a2 la la zhig ral gri thogs nas des de bzhin gshegs pa dgra bcom pa yang dag par rdzogs pa'i sangs rgyas bsad do snyam ste/ gsod par byed la/ de bzhin gshegs pa ni log pa cung zad kyang mi
149a3 mdzad de/ zhum pa med cing dgyes bzhin du bzhugs na/ ci mi de mtshams med pa byed pa zhes bya bam/ 'on te mi bya/ gsol pa/ dngos po'i sgo nas mtshams med pa bgyid pa zhes
149a4 mi bgyi lags so// de ci'i slad du zhe na/ bsags pa'i khams ma bshig pas na/ dngos po'i sgo nas mtshams med pa bgyid pa ma lags/ de bzhin gshegs pa'i sku la ni bsagra
149a5 pa'i khams kyi bag kyang ma mchis te/ chos kyis khams lags na/ ji ltar bkrongs su rung / de bas na sems bskyed pa dang ba sprul pa tsam las/ mtshams med par bgyi ba bgyid
149a6 pa zhes bgyi ste/ 'dir rgyu'i dbang gis chos kyi de kho na nyid rig par bgyi ba lags so// bka' stsal pa/ rigs kyi bu legs so legs so// ngas kyang tshig de skad du smra bar bsams
149a7 so// rigs kyi bu gzhan yang 'di na mi sdig can la la zhig bdag gi sa ma bsad do snyam nas/ dgon pa zhig na khre rgod dang sran rung gi g.yul du byar byas nas/ ma der 'ongs pa dang / khyod kyis
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo