| e-texts navigator |
| བོད་ཡིག |
145b1 thar pa ni de lta ma yin te/ thar pa gang yin pa de ni de bzhin gshegs pa'o// nges pa nges pa zhes bya ba ni/ ji ltar 'dzam bu chu bo'i gser skyon med cing / thams cad du las su rung ba bzhin du
145b2 thar pa'ang de dang 'dra ste/ thar pa gang yin pa de ni de bzhin gshegs pa'o// thar pa ni byis pa'i spyod pa lta bu ma yin no// thar pa gang yin pa de ni de bzhin gshegs pa'o// shin tu sbyang
145b3 ba shin tu sbyangs pa zhes bya ba ni/ ji ltar rgyal srid kyi dbang phyug thob nas/ mthu che zhing bag yangs su 'dug pa bzhin du/ phung po yongs su spangs pa ni thar pa yin no// thar pa gang yin pa de ni
145b4 de bzhin gshegs pa'o// mthar thug pa mthar thug pa zhes bya ba ni/ nyon mongs pa mi gtsang ba zad pa ste/ thar pa ni rgyal po'i btson ra nas phyin pa'i mi dang 'dra'o// thar pa gang yin pa de ni de
145b5 bzhin gshegs pa ste/ bcos mA ma yin pa'i bde ba'o// 'dod chags dang zhe sdang dang / gti mug spong ba/ 'dod chags dang zhe sdang dang gti mug spong ba zhes bya ba ni gsum gyis btang /
145b6 ba ste/ ji ltar mi sbrul gdug pas zin pas/ bdag nyid sos par bya ba'i phyir bad kan skyug par byed pa bzhin du nyon mongs pa'i bad kan zad pa ni thar pa'o// thar pa gang yin pa de ni de
145b7 bzhin gshegs pa'o// nyon mongs pa spong ba nyon mongs pa spong ba zhes bya ba ni/ sbrul gdug pa 'dra ba'i nyon mongs pa zad pa ni thar pa'o// thar pa gang yin pa de ni de bzhin gshegs pa'o//
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo