| e-texts navigator |
| བོད་ཡིག |
133b1 bstan pa ga la yod/ gsang ba gang yin pa de ni yongs su bsags pa'o// rjes bcad du med pa ni mi g.yo ba'i bde ba ste/ mya ngan las 'das pa'i don to// de la ni nam mkha' yang med/ lo dang
133b2 nyi ma dang / zlab rnams kyis kyang byar med/ mjug rings dang / skar ma'i tshogs rnams dang / ri rnams dang / dus dang / sprin rnams kyang med de/ skye ba'i rgyun chad pa/ 'chi ba dang / na ba dang /
133b3 rga ba dang / srid pa nyi shu rtsa lnga spangs pa/ sdug bsngal gyi rnam pa dang / nyon mongs pa dang bral ba ste/ de bzhin gshegs pa rtag pa dang / brtan pa dang / bde ba dang / mi g.yo ba dang / gnas
133b4 med pa ni yongs su mya ngan las 'das pa ste/ der 'gro ba'i phyir deng de bzhin gshegs pa grong khyer chen por gshegs so// chen po zhes bya ba dang / che ba zhes bya ba ni don gcig go// chen po zhes bya ba ni/
133b5 lhag ma dang bcas pa'i tshig bla dwags te/ 'di na mi la la tshe dpag med par gyur na/ mi de skyes bu chen po zhes bya ba'i grangs su gtogs te/ gal te chos dang ldan na/ mi de skyes bu thams cad kyi mchog
133b6 yin no// yang 'dir skyes bu chen po'i rnam par rtog pa brgyad kyis skyes bu gcig pur te/ skyes bu chen po du ma yod pa'i nang na/ gang la skyes bu chen po'i rnam par rtog pa brgyad yod pa de ni skyes bu chen po
133b7 thams cad kyi nang na'ang skyes bu chen po'o zhes ngas bshad pas na de'i phyir che ba zhes bya'o// lhag ma dang bcas pa'i mya ngan las 'dra ba zhes bya ba la/ gang la sman byed pa de ni mya ngan las 'das pa'o// de ci'i
iiif viewer powered by OpenSeadragon
Texts on this page
Ty038-002 - 'phags pa yongs su mya ngan las 'das pa chen po theg pa chen po'i mdo