rKTs

e-texts navigator

Volume

Page

229b₁ ma yin no// de ci'i phyir zhe na/ tshig thams cad ni de bzhin gshegs pa'i tshig ste/ thams cad ni de bzhin nyid las mi 'dab dra'o// gang tshig gis rnam par rig par byas pa de thams cad ni rnam
229b₂ par rig pa med pas rnam par rig par byas pa ste/ de bas na tshig thams cad yi ge mnyam pa'i phyir/ yi ge mtshungs pa'i phyir/ yi ge stong pa'i phyir tshig thams cad ni mtshungs pa'o// mnyam par
229b₃ gnas pas smras pa/ 'jam dpal de bzhin gshegs pas baphags pa'i tha snyad du bdogs pa dang / 'phags pa ma yin pa'i tha snyad du 'dogs pa zhes ma gsungs sam smras pa
229b₄ rigs kyi bu yi ge gang dag gis 'phags pa rnams tha snyad du 'dogs pa'i yi ge de dag nyid kyis 'phags pa ma yin pa rnams kyang tha snyad du 'dogs so// smras pa/ 'jam dpal de de bzhin no//
229b₅ smras pa// ci yi ge de dag 'phags pa'am// 'phags pa ma yin pa zhes rtog gan/ smras pa// de ma yin no// smras pa/ ji ltar yi ge dag mi rtog/ rnam par mi
229b₆ rtog pa de bzhin du// 'phags pa rnams ni rtog pa dang rnam par rtog pa thams cad dang bral ba'o// de dag la tha snyad med de 'phags pa rnams ni yi ger 'du shes pas tha
229b₇ snad du mi 'dogs so// chos su 'du shes pas ma yin// chos ma yin par 'du shes pas ma yin// bdag tu 'du shes pas ma yin/ pha rol tu 'du shes pas ma yin no//

_{iiif viewer powered by OpenSeadragon}

229a - 230a

Texts on this page