| e-texts navigator |
| བོད་ཡིག |
209b1 'di ltar byang chub sems dpa' dra ba can gyi 'od kyis sangs rgyas bye ba khrag khrig phrag brgya stong mang po la sngon lam yongs su sbyangs te/ de'i phyir 'dis sangs rgyas kyi zhing de lta bu'i yon tan
209b2 phun sum tshogs pa yongs su bzung ngo // 'od srungs de bas na sangs rgyas kyi zhing de lta bu yongs su bzung bar 'dod pa'i rigs kyi bu'am// rigs kyi bu mos kyang byang chub sems dpa'
209b3 dra ba can gyi 'od kyi rjes su bslab par bya'o// de nas tshangs pa khyad par sems kyis// byang chub sems dpa' dra ba can gyi 'od la 'di skad ces smras so// rigs kyi bu khyod de bzhin
209b4 gshegs pas lung bstan to// smras pa/ tshangs pa de bzhin gshegs pas sems can thams cad kyang lung bstan to// smras pa// cir lung bstan// smras pa// las kyi rnam par
209b5 smin pa ji lta ba bzhin du lung bstan to// smras pa// rigs kyi bu khyod kyis las ji lta bu zhig byas na/ khyod 'di ltar lung bstan// smras pa/ tshangs pa las gang lus dang / ngag dang /
209b6 yid kyis ma byas pa de galus de ni 'di'o zhes bstan du rung ngam/ smras pa/ ci'i phyir/ smras pa/ ci byang chub mngon par 'du byed pa'i mtshan nyid dam/ smras pa/ de ni ma yin no// smras pa
209b7 byang chub mngon par 'du mi byed pa'i mtshan nyid de/ byang chub ni mngon par 'du byed pa'i mtshan nyid ma yin no// smras pa// mngon par 'du byed pas byang chub 'dus ma byas pas thob par nus sam
iiif viewer powered by OpenSeadragon
Texts on this page
Ty036-005 - 'phags pa tshangs pa khyad par sems kyis zhus pa zhes bya ba theg pa chen po'i mdo