rKTs

e-texts navigator

Volume

Page

178b₁ b.rab jig par mi bgyid pa lags/ de nas bcom ldan 'das kyis// tshangs pa khyad par sems la tshigs su bcad pa dag gis slar bka' stsal pa/ 'jig rten phung por ngas bshad de/
178b₂ 'jig rten dag ni 'di la gnas// 'di la gnas par ma byas nas// 'jig rten chos las rnam par grol// byang chub sems dpa' mkhas pa der// 'jig rten rang bzhin nyid shes nas// dung
178b₃ po rnams dang rab ldan yang // 'jig rten chos dang ldan ma yin// rnyed pa dang ni ma rnyed dang // de bzhin grags dang ma grags dang // bstod smad bde dang sdug bsngal dang // de dag gis ni
178b₄ 'jig rten skyod// shes rab chen po brtan de rnams// 'jig rten chos rnams rab rtogs shing // 'jig rten 'jig pa mthong nas ni// 'di dag la yang g.yo mi 'gyur// rnyed pas
178b₅ mtho bar mi sems te// ma rnyed pas kyang dmas pa med// ri rab bzhin du mthu brtan pa// rnam pa kun tu gnod mi 'gyur// de bzhin grags dang ma grags kyang // rtag tu mtshungs
178b₆ bar 'gyur ba yin// bde dang sdug bsngal bstod smad la// mnyam pa nyid du gnas par 'gyur// 'jig rten 'di ni gnyis las byung // phyin ci log las kun nas langs// de phyir
178b₇ 'jig rten 'gro rtogs nas// mkhas pa rnams ni 'gro mang 'gro// 'jig rten 'di 'gro gang yin pa// 'gro ba de ni de dag shes// de phyir 'jig rten 'gror zhugs nas// mi bde ba las skye ba 'grol/

_{iiif viewer powered by OpenSeadragon}

178a - 179a

Texts on this page