| e-texts navigator |
| བོད་ཡིག |
84a1 dpa' blo gros rgya mtsho dang lhan cig tu/ 'jig rten gyi khams mi mjed 'dir lpags pa de dag gis bstan pa 'di thos nas/ tshim zhing mgu la yid rangs shing rab tu dga'
84a2 ste/ dga' ba dang / yid bde ba skyes nas/ bdag cag sangs rgyas kyi zhing 'dir legs par lhags pa dang / bcom ldan 'das dang / 'jam dpal gzhon nur gyur pa dang / skyes bu dam pa 'di
84a3 dag kyang mthong ba dang / chos zab mo bstan pa 'di yang zos pa ni/ bdag cag gis rnyed pa legs par rnyed do zhes ched du rjod pa ched du brjod do// gang du chos kyi rnam grangs 'ad gnas par gyur
84a4 pa der sangs rgyas byung bar blta'o// gang du chos kyi rnam grangs 'di spyod par 'gyur ba der chos kyi 'khor lo rab tu bskor bar blta'o// nga lta 'am de bzhin gshegs pa yongs su mya ngan las 'das
84a5 kyang rung ste/ gang dag chos kyi rnam grangs 'di nyan pa dang / thos nas kyang mos pa dang / 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag/
84a6 par rab tu ston par 'gyur ba'i sems can de dag kyang rnyed pa legs par rnyed pa dag go// bcom ldan 'das kyis bka' stsal pa/ rigs kyi bu dag khyed kyis ji ltar byang chub sems dpa' rnyed
84a7 pa legs par rnyed pa shes sam/ de dag gis gsol pa/ bcom ldan 'das byang chub sems dpa' rnams kyi rnyed pa ni bcu po 'di dag ste/ rnyed pa chen po bsam gyis mi khyab par 'gyur ba dag
iiif viewer powered by OpenSeadragon
Texts on this page
Ty033-001 - 'phags pa blo gros rgya mtshos zhus pa zhes bya ba'i theg pa chen po'i mdo