| e-texts navigator |
| བོད་ཡིག |
72b1 che thams cad kyis yongs su bkang ste/ de bzhin gshegs pa la mchod pa'i las kyi phyir dbul bar phul na/ blo gros rgya mtsho 'di la ji snyam du sems// byang chub sems dpa' de bzhi de las/
72b2 bsod nams mang du skyed dam/ gsol pa/ bcom ldan 'das mang lags so// bde bar gshegs pa tshad ma mchis lags so// bsod nams kyi phung po de ni ji tsam du dpe bgyi bar sra ba ma
72b3 lags pa de tsam du/ bsod nams kyi phung po de tshad ma mchis par 'gyur ro// bcom ldan 'das kyis bka' stsal pa/ blo gros rgya mtsho khyod mos par bya'o// khyod kyis
72b4 khong du chud par bya'o// gang de bzhin gshegs pa'i bstan pa kun tu bsrung ba dang / dkon mchog gsum gyis rigs mi 'chad par bya ba'i phyir/ sems can thams cad la snying rje chen po
72b5 bskyed nas/ mdo sde zab mo 'di lta bu 'di ni de bzhin gshegs pa'i ye shes sgrub par rig nas/ 'dzin pa dang / 'chang ba dang / kun chub par byed pa'i byang chub sems dpa' de ni de
72b6 bas kyang ches bsod nams mang du skyed na/ gang de bzhin nyid du sgrub pa lta smos kyang ci dgos/ de ci'i phyir zhe na/ blo gros rgya mtsho zang zing gi sbyin pa de thams cad ni 'jig rten la bstan pa'o//
72b7 chos kyi sbyin pa 'di ni 'jig rten thams cad las shin tu 'da' bar 'gyur ro// blo gros rgya mtsho dam pa'i chos yongs su 'dzin pa ni/ yongs su bzung ba bzhi rab tu 'thob ste/ bzhi gang zhe na/
iiif viewer powered by OpenSeadragon
Texts on this page
Ty033-001 - 'phags pa blo gros rgya mtshos zhus pa zhes bya ba'i theg pa chen po'i mdo