| e-texts navigator |
| བོད་ཡིག |
57a1 yin 'du shes sems pa min// de dag ye shes las dang de bzhin du// rnam par shes pa'i las kyis shes mi nus// yi ge rnams kyis chos 'di bsnyad pa gang //
57a2 sangs rgyas thugs rje 'di ni bla na med// sems can gang dag sngon chad byas ldan zhing // dge ba'i bshes gnyen gyis kyang yongs zin pa// de dag 'di 'dra'i chos 'di thos nas ni// dga' ba rgya chen zang zing //
57a3 med pa thob// 'di ni ci sems ci zhig byed cig ces// de dag bdud kyis skyon chags mi rnyed de// sems dang sems kyi spyod yul mi shes na// bar du bdud las byed par ga la 'gyur// bdud bzhi 'di
57a4 las shin tu 'das nas ni// rig pa dang ni blo dang bsod nams dang // tshul gyi sangs rgyas spyod yul rab gnas pa// byang chub spyod pa dam pa 'di la spyod// gang zhig sems can kun gyi spyod shes pa//
57a5 de ni byang chub spyod mchog 'di la spyod// de yis spyod pa rnam mang 'di thos nas// de yi mtshan nyid chos kyang rab tu ston// 'gro ba'i spyod pa 'di ni sna tshogs te// phan tshun dmigs par
57a6 yang dag rab tu ldan// bdag chen de dag spyod yul de shes nas// byed par nges par bstan pa lung yang ston// 'di na sems can chags mang chags pa yod// de dag zhe sdang bag nyal rnam
57a7 pa mang // de dag zhe sdang nyon mongs gzir bar snang // de dag gti mug chen pos gnod par gyur// de dag 'gro ba'i spyod pa sna tshogs te// de la 'jug pa dang ni mtshan ma dang // rgyan dang dmigs
iiif viewer powered by OpenSeadragon
Texts on this page
Ty033-001 - 'phags pa blo gros rgya mtshos zhus pa zhes bya ba'i theg pa chen po'i mdo