| e-texts navigator |
| བོད་ཡིག |
142a1 sems dpa'i spyod pa bsgrubs pa ni de bzhin byed pa'o// mi skye ba'i chos la bzod pa ni ji skad smra ba'o// phyir mi ldog pa'i sa ni de bzhin byed pa'o// skye ba gcig gis rdzogs pa ni ji
142a2 skad smra ba'o// byang chub kyi snying por 'dug pa ni de bzhin byed pa'o// yang dag par blangs pa brtan pa ni ji skad smra ba'o// thams cad mkhyen pa nyid mngon par rdzogs par byang chub pa ni de bzhin byed pa'o//
142a3 chos kyi 'khor lo rab tu bskor ba ni ji skad smra ba'o// dkon mchog gsum gyi rigs mi 'chad par byed pa ni de bzhin byed pa'o// blo gros rgya mtsho byang chub sems dpa' sems dpa' chen po de
142a4 lta bu ni ji skad smras pa de bzhin byed pa yin no// bcom ldan 'das kyis ji skad smras pa de bzhin byed pa bstan pa 'di bshad pa na/ byang chub sems dpa' lnga stong gi mi skye ba'i chos la bzod pa
142a5 thob par gyur to// de nas bcom ldan 'das la byang chub sems dpa' sems dpa' chen po pad+ma bkod pas 'di skad ces gsol to// bcom ldan 'das ji tsam du de bzhin gshegs
142a6 pas ji skad smras pa de bzhin bgyid pas/ sangs rgyas kyis chos 'di thams cad bstan pa ni ngo mtshar to// bcom ldan 'das 'di lta 'di lta ste/ de bzhin gshegs pa'i gsung bsgrub pa 'di
142a7 yang ji skad smras pa de bzhin bgyid pa lags so// bcom ldan 'das kyis bka' stsal pa/ rigs kyi bu khyod bsgrub pa shes sam/ gsol pa/ bcom ldan 'das 'tshal to// bcom
iiif viewer powered by OpenSeadragon
Texts on this page
Ty033-001 - 'phags pa blo gros rgya mtshos zhus pa zhes bya ba'i theg pa chen po'i mdo