| e-texts navigator |
| བོད་ཡིག |
96a1 sangs rgyas kyi mthus/ sprin chen snying pos slob dpon lung ston pa/ bram ze ko'u di n+ya la 'di skad ces smras so// bram ze chen po legs so legs so// bram
96a2 ze chen po khyod kyis sems can thams cad la phan pa'i phyir/ de bzhin gshegs pa la nyan thos dang / rang sangs rgyas thams cad kyi yul gyi zhu ba'i rgyal po legs par zhus pa ni legs so//
96a3 bram ze chen po kho bo las nyon cig dang / de bzhin gshegs pa'i mthu dang / kho bo cag gi yul la 'jug pa'i tshul gyis kho bos bshad par bya'o// bram ze daphyin chad de skad ma zer bar gzhan ma/
96a4 yin par yid la soms shig/ lha sbyin drug sngo'i 'khor dang bcas pa ni de bzhin gshegs pa la shin tu byas pa gzo ba yin no// lha sbyin ni mchog tu dka' ba byed pa yin no// lha sbyin ni de bzhin
96a5 gshegs pa'i rigs la snying brtse ba can yin no// lha sbyin ni de bzhin gshegs pa'i phrin las kyi mtha' yin no// lha sbyin ni de bzhin gshegs pa'i yon tan gyis bdag nyid chen po ston pa yin
96a6 no lha sbyin drug sde'i 'khor dang bcas pa ni sems can bye ba phrag mang po bsod nams la rab tu 'god pa yin no// bram ze chen po sems can thams cad kyis ni/ de bzhin gshegs pa dgra bcom
96a7 pa yang dag par rdzogs pa'i sangs rgyas rnams la khrag 'byin mi nus so// de bzhin gshegs pa'i sku ni shing drung gi grib ma lta bur blta ste/ 'di ni thabs yin par blta bar bya'o// bram ze chen po
iiif viewer powered by OpenSeadragon
Texts on this page
Ty027-001 - 'phags pa sprin chen po zhes bya ba theg pa chen po'i mdo