| e-texts navigator |
| བོད་ཡིག |
94b1 chen por bkur bar 'gyur ro// rgyal srid dang longs spyod dang dbang phyug las rnam par bzlog pa'i phyir/ gzhon nu'i nang du yang gzhon rur bkur bar 'gyur ro// bud med yongs su smin par bya ba'i byir/ btsun/
94b2 mo'i 'khor dag tu yang srungs ma chung rum du bkur bar 'gyur ro// bsod nams kyi khyab par la lhag par dmigs par bya ba'i phyir/ skye ba phal pa rnams dang yang 'thun par 'jug go// dbang phyug gi nyes
94b3 dmigs bstan pa'i phyir/ brgya byin gyi nang du yang brgya byin du bkur bar 'gyur ro// ye shes kyi khyab par bstan pa'i phyir/ tshangs pa'i rang du yang tshangs par bkur bar 'gyur ro// sems can thams cad kyi
94b4 yid du 'ong bar bya ba'i phyir/ zla bar yang 'gyur ro// sems can gyi sdig pa'i nyes pa'i khab mang po bzhu ba'i phyir nyi mar yang 'gyur ro// sems thams cad tshul srung du bzhug pa'i phyir/ 'jig rten
94b5 skyong gi nang du yang 'jig rten skyong du bkur bar 'gyur ro// sangs rgyas kyi bkod pa thams cad ston kyang gtan du yongs su mya ngan las 'das par yongs su mya ngan las 'da' bar yang mi byed do// gzug
94b6 thams cad snang bar ston kyang gzugs kyis de bzhin gshegs pa'i chos nyid rnam par 'khrul par yang mi byed do// sangs rgyas kyi zhing thams cad du 'gro yang zhing tha dad par 'byed par yang mi byed do//
94b7 sangs rgyas thams cad kyi yang dag par blangs pa rjes su thob kyang chos kyi dbyings la yang 'jug par mi byed do// lha dang mi'i bdag po thams cad yongs su 'dzin kyang de la rgyags par yang mi 'gyur la/
iiif viewer powered by OpenSeadragon
Texts on this page
Ty027-001 - 'phags pa sprin chen po zhes bya ba theg pa chen po'i mdo