| e-texts navigator |
| བོད་ཡིག |
277a1 spo ba de lta bu'i tshig dang / spobs pa mi zlogs pa rigs kyi bu 'am/ rigs kyi bu mo de dag dang ldan par 'gyur ro// de dag chos ston pa na mdun na sangs
277a2 rgyas kyi gzugs gnas par 'gyur ro// ma thos shing lung ma phog par bye ba khrag khrig grangs med par spro bar mi 'gyur ba de lta bu'i tshig dang / spobs pa mi zlogs pa dang ldan par 'gyur
277a3 ro ci nas kyang bla na med pa yang dag par rdzogs pa'i byang chub las phyir mi ldog par 'gyur ba de lta bu'i chos ston par 'gyur ro// bskal pa bye ba khrag khrig brgya stong grangs med par
277a4 'khor ba las phyir phyogs par 'gyur ro// de dag gis bsod nams kyi phung po dpag tu med pa yang yongs su gzung bar 'gyur ro// 'od srungs chen po shar phyogs na sangs rgyas kyi
277a5 zhing 'di nas/ 'jig rten gyi khams sangs rgyas kyi zhing stong phrag bzhi bcu 'das pa na 'jig rten gyi khams rin chen ldan zhes bya ba yod de de na de bzhin gshegs pa dgra
277a6 bcom pa yang dag par rdzogs pa'i sangs rgyas rin chen me tog kun tu sdang ba'i dpal da ltar bzhugs shing 'tsho la gzhes so// 'od srungs chen po rigs kyi bu 'am/ rigs
277a7 bu mo theg pa chen po la yang dag par zhugs pa gang su dag/ de bzhin gshegs pa dgra bcom pa yang dag par rdzogs pa'i sangs rgyas rin chen me tog kun tu snang ba'i dpal de'i
iiif viewer powered by OpenSeadragon
Texts on this page
Ty024-015 - 'phags pa sangs rgyas kyi dbu rgyan zhes bya ba theg pa chen po'i mdo chos kyi rnam grangs chen po