| e-texts navigator |
| བོད་ཡིག |
198b1 kyis mdun du ma 'chad cig/ de ci'i phyir zhe na/ bstan pa 'di ni nyan thos dang / rang sangs rgyas kyi sa yang ma yin na/ sems can dge ba'i rtsa ba chung ngu dang ldan pa rnams kyi lta ci
198b2 smos de ci'i phyir zhe na/ de dag thams cad bslabs pa ma yin pas/ 'di ni de dag la mi dgos so// byang chub sems dpa' gang dag bstan pa 'di la slob par 'gyur ba ma gtogs
198b3 par gzhan thabs mkhas pa bstan pa 'di snod du gyur pa gang yang med do// 'di lta ste/ rigs kyi mtshan mo sa sros pa'i mun par mar me bus na khyim na snod du thams cad snang bar 'gyur/
198b4 ba de bzhin du/ byang chub sems dpa' yang thabs mkhas pa bstan pa 'di thos te/ mos par gyur nas/ sangs rgyas kyi spyod pa thams cad mthong bar 'gyur zhing sems can dag la
198b5 yang slob par 'gyur ro// rigs kyi bu khyod la bsgo'o// khong du chud par bya'o// byang chub 'dod pa'i rigs kyi bu 'am rigs kyi bu mos thabs mkhas pas 'di gang na rnar grags par
198b6 'gyur na/ dpag tshad 'bum du yang 'gro bar bya'o// ci'i phyir zhe na/ de ltar bstan pa 'di thos na snang ba thob par 'gyur/ sangs rgyas kyi chos thams cad la 'gyod pa med par 'gyur
198b7 the tsom dang bral bar 'gyur ro// de nas lha dang 'jig rten du bcas pa'i 'khor bzhi las sems can gang dag snod du gyur pa de dag gis ni chos kyi rnam grangs 'di thos so//
iiif viewer powered by OpenSeadragon
Texts on this page
Ty024-010 - 'phags pa thabs mkhas pa zhes bya ba theg pa chen po'i mdo