| e-texts navigator |
| བོད་ཡིག |
78b1 bzang po stong gsum gyi stong chen po'i 'jig rten khams 'di'ang 'di lta ste/ sna tshogs mngon par 'grub par byed pa'i sgyu mas sprul pa yin no// bzang po chos thams cad kyang 'di lta ste/ rkyen tshogs
78b2 pa'i sgyu mas sprul pa yin no// bzang po 'on kyang de'i dus la bab par shes na/ ji ltar sprul pa'i bza' ba dang / bca' ba dang / myang ba dang / bldag pa dag khyod kyis phul cig/ de nas sgyu ma mkhan
78b3 bzang pos sprul pa'i rim gro pa de dag dang / rgyal po chen po bzhi dag dang / lha'i dbang po brgya byin 'khor dang bcas pa dang / lhan cig sprul pa'i bza' ba dang / bca' ba dang / myang ba dang / bldag pa de/
78b4 bcom ldan 'das dang dge slong gi dge 'dun yang dag par tshim par byed do// de nas de'i tsheg na brtan 'od srungs chen pos tshigs su bcad pa 'di smras so// sbyin pa 'dzin ci
78b5 zhig 'dra// len par byed pa ci 'dra bar// de 'dra'i chos nyid thob 'gyur bar// yon ni rnam par spyong gyur cig/ mo'u 'gal gyi bu chen pos smras pa/ gdan ni ji ltar bshams pa dang // de la gang dag
78b6 bzhugs pa rnams// mi mnyam ma mchis mtshungs pa ste// mchod sbyin dge ba bla na med// shA ri'i bus smras pa// rim gro byed pa'i sems gang dang // len par byed pa'i sems gang dang /
78b7 sbyin par byed pa ji lta bar// yon ni myur du sbyong bar shog/ rab 'byor gyis smras pa/ gtong med sbyin pa 'di btang ba// len pa med pa rnams kyis blangs// gang dag 'dir ni gshegs pa rnams/
iiif viewer powered by OpenSeadragon
Texts on this page
Ty017-003 - 'phags pa sgyu ma mkhan bzang po lung bstan pa zhes bya ba theg pa chen po'i mdo