| e-texts navigator |
| བོད་ཡིག |
82b1 dbyig dang bral ba ni// 'phags pa'i nor gyis dbang phyug la gzhag par bya/ gang ni mi'i 'bras bu la gnas/ gang ni sangs rgyas kyis 'dul// gang ni nyan thos kyis 'dul/ gang ni sangs rgyas dang nyan thos/
82b2 kyis 'dul/ gang ni 'dod chags la spyod/ gang ni zhe sdang la spyod/ gang ni gti mug la spyod/ gang ni 'dod chags dang / zhe sdang dang / gti mug la spyod/ gang ni nyes pa rnams kyis gnod par gyur/ gang
82b3 ni ngan song la gzhol/ gang ni ngan song la 'bab/ gang ni ngan song la ba ba/ ngas gang ni ngan song las bslang ste/ mtho ris dang / thar pa dang / 'bras bu la rab tu gzhag par bya// nyes par spyod pa'i
82b4 'dam du bying ba gang gi lag nas ni drang bar bya// gang gis sangs rgyas 'byung bas brgyan pa'i 'jig rten ni 'bras bu dang bcas par bya zhes mkhyen pa dang gzigs pa 'jug go// yang smras pa/ rgya mtsho chu
82b5 srin rnams kyis gnas// dus las 'da' bar 'gyur srid kyi// gdul bya la byams sangs rgyas ni// dus las 'da' bar mi mdzad do// ji ltar ma ni bu sdug gcig pu la// rtog cing de srog srung bar/
82b6 byed pa ltar// de bzhin gshegs pa'ang gdul ba'i skye bo la// rtog par mdzad cing de srog srung bar mdzad// kun mkhyen rgyud la mnga' ba'i thugs rje yi// ba bzhon gdul bya'i bu tshol mi skyo ste//
82b7 srid dang ngan 'gros nyams la byams pa ni// be'u sdug stor la byams pa'i ba bzhon bzhin// de nas bcom ldan 'das kyi ye shes gzigs pa sgrib pa mi mnga' ba'i spyan/ sangs rgyas kyis spyan gyis
iiif viewer powered by OpenSeadragon
Texts on this page
Ty008-002 - dge slong ma'i 'dul ba rnam par 'byed pa