rKTs

e-texts navigator

Volume

Page

53a₁ 'on kyang bdag la dbang med de// pha ma gnyis kyis bdag khyim thab la byin nu dza skar bya// de nas bram ze'i khye'u n+ya gro d+hA skyes kyis ser su'i bu mo bzang mo la/
53a₂ 'di skad ces smras so// bzang mo brtan pa dang srungs gyis shig/ bram ze'i khye'u n+ya gro d+ha stes de kho bo yin no// de nas ser skya'i bu mo bzang mos bram ze'i khye'u de las tshig de thos
53a₃ nas rgyas par ches dbugs kun tu dbyung bar gyur te/ n+ya gro d+ha skyes de la 'di skad ces smras so// bram ze'i khye'u bzhud la dam bcas pa brtan par gyis shig/ dam pa rnams ni/
53a₄ dam bcas pa brtan pa lags so// de nas bram ze'i khye'u n+ya gro d+ha skyes kyi ser skya'i bu mo bzang mo dang lhan gcig gros byas nas/ yang slar grong khyer n+ya gro d+ha can du phyin to// de nas
53a₅ bram ze shing sA la chen po lta bu n+ya gro d+has khyim pa rnams kyis khyim pa'i chos ji lta bu yin pa de byas te/ bram ze'i khye'u n+ya gro d+ha skyes chung ma blangs so// gang gi tshe grong khyer n+ya gro d+ha
53a₆ can bzang mo blangs pa de'i tshe/ bram ze'i khye'u n+ya gro d+ha skyes kyi pha ma gnyis kyis/ bram ze'i khye'u n+ya gro d+ha skyes dang / ser skya'i bu mo bzang mo gnas gcig tu bkod do//
53a₇ de gnyis kyi ched du mal gnyis bcas so// de nas bram ze'i khye'u n+ya gro d+ha skyes kyis/ ser cu'i bu mo bzang mo la 'di skad ces smras so// bzang mo sngon dam bcas pa dran par byos

_{iiif viewer powered by OpenSeadragon}

52b - 53b

Texts on this page