| e-texts navigator |
| བོད་ཡིག |
52b1 ser skya'i khyim gyis sgor phyin to// de nas ser skya'i bu mo bzang mo srong mo thogs nas byung ba dang / bram ze'i khye'u n+ya gro d+ha skyes kyis mthong ngo // bu mo de mthong nas kyang / de 'di snyam du bu mo/
52b2 de ni 'di yin no snyam du bsams so// de nas bram ze'i khye'u n+ya gro d+ha skyes kyis/ bu mo de la 'di skad ces smras so// khyod su'i bu mo yin// des 'di skad ces smras so// ser skya'i yin no// khyod
52b3 gzhan la byin nAm/ des 'di skad ces smras so// bdag gis grong khyer n+ya gro d+ha can nu/ bram ze shing sA la chen po lta bu n+ya gro d+ha zhes bya ba gnas pa de'i bu n+ya gro d+ha skyes zhes bya ba de la/ bdag
52b4 pha ma gnyis kyis byin par thos so// des de la 'di skad ces smras so// bzang mo khyod la khyim thab de 'dra ba cir dgos/ gang la de khyim thab tu gyur pa de ni khyim zab med pa nyid du shes par
52b5 gyis shig/ dpe ji lta bu zhig/ des 'di skad ces smras so// de ni 'dod pa rnams la don du gnyer ba ma yin na/ khyim thab de lta bu des ci zhig bya/ rje'i sras legs so legs so// khyod kyis
52b6 bdag dbugs kun tu phyung ngo // khyod kyis ni bdag la bdud rtsi kho nas dbang bskur ro snyam sems so// des 'di skad ces smras so// ci'i phyir/ bram ze'i khye'u bdag kyang 'dod pa rnams
52b7 la don du gnyer ba ma yin no// 'di skad ces kyang smras so// phyug po dang ni dbul po la// 'dra bar khyod mthong bde ba 'di// snying dang mthun pa'i phyug pa ste// tsan dan pu shel ci dag min// /
iiif viewer powered by OpenSeadragon
Texts on this page
Ty008-002 - dge slong ma'i 'dul ba rnam par 'byed pa